శ్రీ కృష్ణుడు లీలలు - ఓ యమ్మ ! నీ కుమారుడు

 ప్రియమైన శివ పరివారం కు శ్రీ కృష్ణ శరణం మమ

ప్రతి రోజు గంగ ప్రవాహం లా జరిగే మన భాగవత ఘట్టం లో దశమ స్కంధం లో శ్రీ కృష్ణుడు లీలలు గురించి చెబుతుంటే భలే ఆనందం గా ఉంది. ఈ పద్యం ఎప్పుడు వస్తుందా అని నేను రెండు మూడు రోజులు నుంచి చూస్తున్నాను.

ఓ యమ్మ ! నీ కుమారుడు మాయిండ్లలొ పాలు పెరుగు మననీడమ్మా !

పోయెద మెక్కడికైనను మా యన్నల సురభులాన మంజుల వాణీ !

గోపకాంతలు యశోదమ్మతో తమ కష్టాలు చెప్పుకున్నారు .కానీ యే తల్లైనా తన కొడుకు తప్పు చేసాడంటే ఒప్పుకుంటుందా ?

అన్యమెఱుగడు తనయంత నాడుచుండు , మంచివాడీతడెగ్గులు మానరమ్మ

రామలార ! త్రిలోకాభిరామలార ! తల్లులార ! గుణవతీమ తల్లులార !

తెలుగులో ఇంతకంటే సరళమైన పద్యం ఉండదు . ఒక్క సురభులాన అన్న పదం తప్పితే

మిగిలీన పదాలన్నీ మనం ప్రతిదినం వాడేవే . శ్రీకృష్ణుడు చిలిపి పనులు చేస్తున్నాడు . వెన్న కనిపిస్తే వదలడు . పాలు పెరుగు మాట వేరే చెప్పవలసిన పని లేదు .గొల్లభామలకు ఏం చేయాలో తోచలేదు . యశోదమ్మ దగ్గరకు వెళ్ళి ” అమ్మా ! నీ కొడుకు మా ఇళ్ళలో పాలూ , పెరుగూ దక్కనీయడం లేదు . ఈ బాధలు భరించలేము . . ఇక పిల్లాపాపలతో ఎక్కడికైనా వెళ్ళిపోతాం . మా ఆవులమీద ఒట్టు ” అని మొరపెట్టుకున్నారు .ఇవేవో మన ఇళ్ళల్లో మాట్లాడుకున్నట్టుగా లేవూ ?

.

నా కన్నయ్యకు నా పాలు తాగడం తప్ప వేరే పని లేదు . అటు ఇటు వెళ్ళగా నేను చూడలేదు . కళ్ళు తెరవని పసి గుడ్డు . తనంతట తాను ఆడుకుంటూ ఆనందిస్తాడు . మంచివాడు మా చిన్ని కృష్ణుడు . మీరందరూ  సద్గుణవతులు, అందమైన వారు , చాడీలు చెప్పడం మానుకొండి అని వారిని వేడుకునే సందర్భం .

ఈ పద్యాలు .నానన్నమ్మ / అమ్మమ్మలు  లు ఒకప్పుడు పిల్లకు నేర్పిచి పెంచే వారు.. ఓయమ్మ నీ కుమారుడనే పద్యం నేర్చుకోవడం ఎంత సులభమో ఒక సారి గమనించండి . ఒక్క పదం కూడా పలకడానికి కష్టంగా ఉండదు . అర్థం చేసుకోవడం అతి సులభం . పద్యం నేర్చుకున్న పిల్లలకు తల్లి ప్రేమ తెలుస్తుంది . ఏ తల్లీ తన తనయుణ్ణి తప్పుబట్టదు కదా ! మన సంస్కృతి తెలియాలంటే ఇటువంటి పద్యాలు పిల్లలకు నేర్పించడం తప్పనిసరి.

పల్లెటూళ్ళలో బ్రతకడానికి కావలసిన వస్తువులు బహుకొద్ది . మితమైన ఆహారం అందులో ముఖ్యమైనది . అందులో పాలూ , పెరుగూ పిల్లలకు తప్పనిసరిగా కావాలి . కృష్ణ స్వామి వాటినే దొంగిలిస్తున్నాడు . ఇది చాలదన్నట్లు అతివలను ఇబ్బంది పాలు చేస్తున్నాడు . ఇక ఆ పల్లెలో ఉండడమెలా? వెళ్ళిపోతామని మొర పెట్టుకుంటున్నారు యశోదమ్మతో .

అసలు ఈ పద్యం లో ఉండే రహస్యం వేరేగా ప్రయత్నించారు..ఈ కృష్ణ స్వామి కోసమే మేము ఉన్నాము.. కృష్ణుడు లేని ప్రదేశం మేము ఊహిచుకోలేము అని అంతరార్ధం ఈ పద్యం లో అట్టేపెట్టారు. ...

పెద్దగా చదువుకోని పల్లె వాసులు ఉపయోగించే పదాలనే ఉపయోగించి తమ కష్టాలను వివరించడం ఈ పద్యంలో విశేషం . మరి చిన్న పదాలుపయోగించడం వలన భాషలో సౌందర్యం ఏమైనా తగ్గిందా ? నిజం చెప్పాలంటే భాషా సౌందర్యం పెరిగింది . చెప్పవలసిన భావం మన మనస్సుకు హత్తుకునేలా  ఎన్నో సద్గుణాలున్న పోతన  గారు కవిత్వంలో ఇదీ ఒకటి .

ఇట్లు 

శివ పరివారం